कु. सोहम देशमुखचे राष्ट्रीय बुद्धिबळ स्पर्धेत उल्लेखनीय यश

स्टेपिंग स्टोन ग्लोबल स्कूलचा विद्यार्थी

सावंतवाडी । प्रतिनिधी

स्टेपिंग स्टोन ग्लोबल स्कूलमध्ये इयत्ता सहावीत शिकणाऱ्या ' कु. सोहम सचिन देशमुख ' याने राष्ट्रीय पातळीवरील बुद्धिबळ स्पर्धेत उल्लेखनीय यश प्राप्त केले असून त्याचे सर्व स्तरातून अभिनंदन होत आहे. ऑल इंडिया ओपन फिडे रेटिंग क्लासिकल चेस टूर्नामेंट 'यांच्यातर्फे ' लायन्स क्लब ऑफ बेळगाव बीडीसीए यांच्या संयुक्त विद्यमाने ही स्पर्धा आयोजित करण्यात आली होती. दिनांक ४ जानेवारी २०२५ ते ८ जानेवारी २०२५ झालेल्या या स्पर्धेत मलेशिया व भारतातील बहुसंख्य विद्यार्थ्यांनी सहभाग घेतला होता. संपूर्ण देशातील विद्यार्थ्यांमध्ये १३ वयोगटाखाली असलेल्या या स्पर्धेत कु. सोहम देशमुख या विद्यार्थ्याने प्रथम क्रमांक पटकावत बुद्धीची चुणूक दाखवून दिली. त्याला सन्मानचिन्ह म्हणून चषक देऊन गौरविण्यात आले. सोहमला त्याच्या पालकांचा व प्रशालेतील शिक्षकांचा पाठिंबा लाभला. प्रशालेतील सर्व शिक्षक, विद्यार्थी, शाळेच्या मुख्याध्यापिका सौ. प्राची साळगावकर व संस्थापक श्री. रुजुल पाटणकर यांनी सोहमचे भरभरून कौतुक केले व पुढील वाटचालीसाठी शुभेच्छा दिल्या.