कसोटीत स्मिथ चौथ्या स्थानावर खेळणार

वृत्तसंस्था / मेलबर्न

नोव्हेंबर-डिसेंबर दरम्यान होणाऱ्या भारता विरुद्धच्या पाच सामन्यांच्या कसोटी मालिकेत ऑस्ट्रेलियन संघातील अनुभवी आणि ज्येष्ठ फलंदाज स्टिव्ह स्मिथचे फलंदाजीत चौथ्या स्थानी पुनरागमन होणार आहे. ऑस्ट्रेलियन निवड समितीचे सदस्य जॉर्ज बेली यांनी स्टिव्ह स्मिथच्या फलंदाजीतील क्रमवारीला दुजोरा दिला आहे.

चालु वर्षाच्या प्रारंभी सलामीचा फलंदाज डेव्हिड वॉर्नरने क्रिकेटमधून निवृत्तीचा निर्णय घेतल्यानंतर स्टिव्ह स्मिथने स्वखुशीने सलामीला फलंदाजी करण्यासाठी तयारी दर्शविली. दरम्यान न्यूझीलंड विरुद्धच्या कसोटी मालिकेत 35 वर्षीय स्टीव्ह स्मिथने फलंदाजीत साफ निराशा केली. त्याने 4 डावांत एकूण 51 धावा जमविल्या होत्या. त्यानंतर स्मिथने त्याच्या नव्या क्रमवारीत सलामीला फलंदाजी करताना दुसऱ्या कसोटीत नाबाद 91 धावा जमविल्या होत्या. भारताविरुद्धच्या मालिकेत स्टिव्ह स्मिथला कदाचित सलामीला फलंदाजी करावी लागेल, असे संकेत ऑस्ट्रलियन क्रिकेट वर्तुळातून मिळाले आहेत.