व्हिएतनाममध्ये स्लीपर बसला आग, 7 ठार

हनोई

व्हिएतनाममध्ये मंगळवारी पहाटे एका स्लीपर बसला आग लागल्याने 7 जणांचा मृत्यू झाला तर 5 जण जखमी झाले आहेत. ही बस लाम डोंग प्रांतामधून हो ची मिन्ह शहराच्या दिशेने धावत होती. 24 सीट्स असलेल्या या बसमध्ये लागलेली आग वेगाने फैलावल्याने अनेक प्रवासी बसमध्येच अडकून पडल्याचे अधिकाऱ्यांकडून सांगण्यात आले. सोशल मीडियावर या दुर्घटनेचे अनेक व्हिडिओ व्हायरल होत आहेत. तर पोलिसांनी दुर्घटनेच्या कारणांचा शोध घेण्यासाठी चौकशी सुरू केली आहे.