आयपीएस आत्महत्येच्या चौकशीसाठी एसआयटी

चंदीगड : हरियाणातील आयपीएस अधिकारी वाय. पूरन कुमार यांच्या आत्महत्या प्रकरणाच्या तपासासाठी चंदीगड पोलिसांनी  एसआयटी स्थापन केली आहे. चंदीगडचे पोलीस महानिरीक्षक पुष्पेंद्र कुमार यांना या एसआयटी प्रमुख म्हणून नियुक्त करण्यात आले आहे. टीममध्ये एकूण 6 सदस्य असणार आहेत. यापूर्वी पूरन कुमार यांच्या आत्महत्येप्रकरणी  पोलीस महासंचालक शत्रुजीत कपूर आणि रोहतकचे वरिष्ठ पोलीस अधीक्षक नरेंद्र बिजारणिया यांच्यासमवेत 14 अधिकाऱ्यांच्या विरोधात एफआयआर नोंदविण्यात आला . अनुसूचित जाती आणि अनुसूचित जमातीच्या प्रतिनिधींनी  वरिष्ठ पोलीस अधिकाऱ्यांची भेट घेत याप्रकरणी निष्पक्ष आणि एका निश्चित कालमर्यादेत चौकशीची मागणी केली होती.