सिंपल अल्ट्रा इलेक्ट्रीक स्कूटर भारतात लाँच

किंमत 2.35 लाखापर्यंत : एका चार्जवर 400 किमी धावणार असल्याचा दावा

वृत्तसंस्था, नवी दिल्ली

सिंपल एनर्जीने भारतीय बाजारपेठेत आपली नवीन इलेक्ट्रिक स्कूटर ‘सिंपल अल्ट्रा“ लॉन्च केली आहे. याची किंमत 2.35 लाख रुपये आहे. कंपनीचा दावा आहे की, ही देशातील सर्वाधिक रेंज असलेली इलेक्ट्रिक स्कूटर आहे, जी एकदा पूर्ण चार्ज केल्यावर 400 किमीपर्यंत धावू शकते.

6.5केडब्लूएच बॅटरी आणि 115 किमी प्रति तास टॉप स्पीड

सिंपल अल्ट्रा कंपनीच्या जेन 2 पोर्टफोलिओ अंतर्गत सादर करण्यात आली आहे. यात 6.5 केडब्लूएचची मोठी बॅटरी आहे. याचा टॉप स्पीड ताशी 115 किमी आहे. तथापि, ही स्कूटर 2.77 सेकंदात 0 ते 40 किमी प्रति तास वेग गाठते. कंपनीच्या मते, ही भारतातील दुसरी सर्वात वेगवान इलेक्ट्रिक स्कूटर आहे.

फोर लेव्हल ट्रॅक्शन कंट्रोल, स्मार्ट फीचर्स

सिंपल अल्ट्रामध्ये सुरक्षा आणि तंत्रज्ञानावर विशेष लक्ष देण्यात आले आहे. यामध्ये फोर-लेव्हल ट्रॅक्शन कंट्रोल सिस्टीम आहे, जी वेगवेगळ्या रस्त्यांवर स्कूटरची पकड मजबूत ठेवते. याशिवाय, स्कूटरमध्ये मोठा 7-इंचाचा डिजिटल डिस्प्लेदेखील मिळतो.

कंपनीची विस्तार योजना

या वर्षी जानेवारीमध्ये, कंपनीने आपल्या दुसऱ्या पिढीच्या ‘सिंपल वन“ आणि ‘सिंपल वन-एस“ स्कूटर्स लॉन्च केल्या. आता अल्ट्रा या लाइनअपमध्ये सर्वाधिक रेंज असलेला टॉप व्हेरियंट बनवला आहे. सध्या सिंपल एनर्जीचे बंगळूर, दिल्ली, पाटणा, भोपाळ, आग्रा, गोवा, हैदराबाद आणि चेन्नई यांसारख्या शहरांमध्ये सुमारे 70 टचपॉइंट्स (शोरूम आणि सर्व्हिस सेंटर्स) आहेत. कंपनी नजीकच्या भविष्यात नागपूर, रांची आणि भुवनेश्वर यांसारख्या शहरांमध्ये विस्तार करण्याची योजना आखत आहे.