प्रतिक पाटीलला रौप्यपदक

वार्ताहर/येळळूर

क्रीडा युवा सबलीकरण व कर्नाटक ऑलम्पिक संस्थेच्यावतीने म्हैसूर येथे झालेल्या कुस्ती स्पर्धेत श्री शिवाजी विद्यालय येळळूर शाळेचा विद्यार्थी प्रतिक प्रमोद पाटीलने 68 किलो वजनी गटात रौप्यपदक मिळविले.प्रतिकच्या या यशाबद्दल शाळेमध्ये त्याचा सत्कार करण्यात आला. यावेळी मनोहर बाचीकर, मुख्याध्यापक एस. बी. मजुकर, एनसीसी कमांडर एच. एस. लोकरूचे व रेखा पाटील यांच्यासह विद्यार्थी व शिक्षक उपस्थित होते.