वर्ष 2023 मध्ये बाजारातील गुंतवणूकदारांची चांदी

संपत्तीमध्ये सर्वात मोठी झेप घेतल्याची नोंद : हे वर्ष संस्मरणीय राहिल्याच्या अभ्यासकांच्या भावन

वृत्तसंस्था/ नवी दिल्ली

वर्ष 2023 हे शेअर बाजारासाठी एक संस्मरणीय वर्ष राहिले आहे. सकारात्मक घटनांच्या पार्श्वभूमीवर, समभागांमध्ये नेत्रदीपक वाढ झाली आणि दलाल स्ट्रीटवरील गुंतवणूकदारांनी या वर्षी त्यांच्या संपत्तीमध्ये 80.62 लाख कोटी रुपयांची भर घातली.

तज्ञांचा विश्वास आहे की भारताची मजबूत आर्थिक मूलभूत तत्त्वे, भारतीय जनता पक्षाच्या (भाजप) तीन राज्यांमधील नुकत्याच झालेल्या निवडणुकीत विजयामुळे प्राप्त झालेली राजकीय स्थिरता, आशावादी कॉर्पोरेट कमाईचा दृष्टीकोन आणि पुढील वर्षी यूएस फेडरल रिझर्व्हद्वारे तीन संभाव्य दर कपात करण्यात येणार असल्याचे संकेत मिळत असून याचा लाभ भारतीय बाजाराला होणार असल्याचेही म्हटले आहे. 2023 मधील शेअर बाजारातील तेजे आणि किरकोळ गुंतवणूकदारांच्या सहभागाने महत्त्वाची भूमिका बजावली.

या वर्षी 28 डिसेंबरपर्यंत बीएसईचा 30 शेअर्स असलेला सेन्सेक्स 11,569.64 अंकांनी किंवा 19 टक्क्यांनी वाढला. बीएसई लिस्टेड कंपन्यांचे बाजार भांडवल या वर्षात आतापर्यंत 80,62,310.14 कोटीं रुपयांनी वाढून ते  3,63,00,558.07 कोटींच्या सर्वकालीन उच्चांकावर पोहोचल्याची नोंद केली.

बीएसई-सूचीबद्ध कंपन्यांचे बाजारमूल्य गुरुवारी व्यवहाराच्या शेवटी सर्वकालीन उच्चांकावर पोहोचले होते. स्वस्तिक इन्व्हेस्टमार्ट लिमिटेडचे व्यवस्थापकीय संचालक सुनील न्याती म्हणाले की, भारतीय बाजाराने लवचिकता दाखवली आहे आणि व्यापक उदयोन्मुख बाजारपेठांमधील उत्कृष्ट कामगिरी करणाऱ्यांपैकी एक म्हणून उदयास आला आहे. ते म्हणाले की 2023 हे केवळ भारतीय शेअर बाजारासाठी चांगले वर्ष नव्हते तर किरकोळ गुंतवणूकदारांनीही या वर्षी नफा कमावला.

मोतीलाल ओसवाल ब्रोकिंग अँड डिस्ट्रिब्युशनने जारी केलेल्या निवेदनानुसार, राजस्थान, मध्य प्रदेश आणि छत्तीसगड राज्यांच्या निवडणुकांमध्ये भाजपच्या प्रचंड विजयामुळे, 2024 च्या लोकसभा निवडणुकीनंतर राजकीय सातत्य राखण्याबद्दल गुंतवणूकदारांमध्ये आत्मविश्वास वाढला आहे. हे भारताच्या मॅक्रो आणि धोरण गतीसाठी चांगले संकेत देते, जे इतर प्रमुख अर्थव्यवस्थांच्या तुलनेत सर्वाधिक वाढ अनुभवत आहे, असे निवेदनात म्हटले आहे.

या वर्षी 20 मार्च रोजी बीएसई सेन्सेक्सने 28 डिसेंबर रोजी 72,484.34 अंकांच्या सर्वकालीन उच्चांकावर बाजी मारली तर 57,084.91 अंकांची 52 आठवड्यांची नीचांकी पातळी गाठली. या वर्षी बीएसई निर्देशांकात आठमध्ये मासिक वाढ नोंदवली, तर उर्वरित चारमध्ये घसरण झाली. नोव्हेंबरमध्ये बीएसई निर्देशांक 4.87 टक्क्यांनी वधारला, तर डिसेंबरमध्ये तो आतापर्यंत आठ टक्क्यांनी वाढला आहे.

‘मजबूत जीडीपी वाढ, मध्यम चलनवाढ, स्थिर रुपया आणि भारताच्या मजबूत आर्थिक मूलभूत तत्त्वांनी या लवचिकतेमध्ये महत्त्वाची भूमिका बजावली,’असे  संपत रे•ाr, मुख्य गुंतवणूक अधिकारी, बजाज अलियान्झ लाइफ इन्शुरन्स  यांनी सांगितले. जागतिक परिस्थिती सुधारणे, चलनवाढीचा दर कमी होणे, मध्यवर्ती बँकेने दरवाढीला विराम दिल्याने आणि कमाईत वाढ चालू राहिल्याने भारतीय निर्देशांकांना गती मिळाली.

किरकोळ गुंतवणूकदार आता मंदीत नाही घाबरत

किरकोळ गुंतवणूकदार आता मंदीच्या काळात घाबरत नाहीत, ते आत्मविश्वासाने त्यांची गुंतवणूक टिकवून ठेवत आहेत आणि भारताच्या आर्थिक वाढीसह चालण्यास तयार आहेत, न्याती म्हणाले. या वर्षी 29 नोव्हेंबर रोजी प्रथमच बीएसईवर सूचीबद्ध कंपन्यांचे एकत्रित बाजारमूल्य यूएस 4000 अब्ज डॉलरपर्यंत पोहोचले तेव्हा त्यात आणखी वाढ झाली.