‘ताजा खबर’मध्ये श्रिया पिळगावकर

भुवन बाम देखील असणार सोबत

गिल्टी माइंड्स आणि द ब्रोकन न्यूज या सीरिजच्या यशासोबत श्रिया पिळगावकर आता वेबसीरिज जगतातील सर्वात प्रसिद्ध चेहरा ठरली आहे. श्रियाची गणना आता सर्वात गुणी कलाकार म्हणून होत आहे. अभिनेत्री आता डिस्ने हॉटस्टारच्या ‘ताजा खबर’ या सीरिजमधून झळकणार आहे.

या सीरिजमध्ये भुवन बाम, जे.डी. चक्रवर्ती, देवेन भोजानी, प्रथमेश परब, नित्या माथूर आणि शिल्पा शुक्ला हे कलाकार काम करत आहेत. श्रिया या सीरिजमध्ये वेगळय़ा प्रकारची भूमिका साकारताना दिसून येणार आहे. ‘ताजा खबर’चे चित्रिकरण करणे खरोखरच एक मजेशीर अनुभव राहिला. मला कॉमेडी-ड्रामा पसंत आहे. अशा शैलीची भूमिका साकारणे निश्चितच आव्हानात्मक आहे. या सीरिजमधील माझी व्यक्तिरेखा आणि लुक पूर्णपणे वेगळा आहे. यातील माझी भूमिका प्रेक्षक कशी स्वीकारतात हे पाहणे औत्सुक्याचे ठरणार असल्याचे श्रियाने म्हटले आहे.

श्रिया पिळगावकरकडे सध्या अनेक प्रोजेक्ट्स आहेत. क्रॅकडाउन सीझन 2, द गॉन गेम सीझन 2 आणि ‘इश्क-ए-नादान’ या चित्रपटात ती दिसून येणार आहे.