अयोध्येतील श्री राम मंदिर, सीएम योगींना बॉम्बने उडवण्याची धमकी; दोन आरोपींना अटक

अयोध्येतील श्री राम मंदिर, सीएम योगी आणि एसटीएफ प्रमुख यांना बॉम्बने उडवून देण्याची धमकी दिल्याची घटना एसटीएफने उघडकीस आणली आहे. याप्रकरणी दोन आरोपींना अटक करण्यात आली आहे.आरोपींनी धमकीचा ई-मेल पाठवला होता.

एसटीएफच्या तपासात समोर आले आहे की, शेतकरी नेता देवेंद्र कुमार तिवारी, ज्यांनी गुन्हा दाखल केला होता. त्यांनी स्वत: सुरक्षा मिळवण्यासाठी आणि मोठा नेता बनण्यासाठी त्याच्या कर्मचाऱ्यांना धमकीचा मेल पाठवण्यास सांगितले होते. याप्रकरणी दोन्ही कर्मचाऱ्यांना अटक करण्यात आली आहे. या प्रकरणी शेतकरी नेता, त्याचा ड्रायव्हर सुनीत आणि कटात सहभागी असलेला दुसरा युवक प्रभाकर यांचा शोध सुरू आहे.

एसटीएफचे डेप्युटी एसपी प्रमेश कुमार शुक्ला यांनी सांगितले की, गोंडाचे रहिवासी तहर सिंग आणि ओम प्रकाश मिश्रा यांना या प्रकरणी अटक करण्यात आली आहे. देवेंद्र तिवारी यांना सुरक्षा हवी होती, असे तपासात समोर आले. त्यामुळे याप्रकरणाचा एक भाग म्हणून त्याने स्वतःला धमकीचा ई-मेल पाठवला. श्री राम मंदिर, सीएम योगी आणि एसटीएफ प्रमुख जोडले गेले जेणेकरून हे प्रकरण मीडियामध्ये चर्चेत येतील. डेप्युटी एसपींनी सांगितले की, या प्रकरणातील देवेंद्र आणि इतर दोघांचा शोध सुरू आहे.