श्री देव रवळनाथ , ओरोसचा ८ डिसेंबरला जत्रोत्सव

सिंधुदुर्गनगरी । प्रतिनिधी

ओरोस गावची ग्रामदेवता श्री देव रवळनाथचा वार्षिक जत्रोत्सव सोमवार दिनांक ८ डिसेंबर २०२५ रोजी होणार आहे . यानिमित्त विविध धार्मिक कार्यक्रमांचे आयोजन करण्यात आले आहे . सकाळी श्री देव रवळनाथाची विधीवत पूजा , आरती , ओटी भरणे , नवस बोलणे - फेडणे व अखंड दर्शन सोहळा . रात्री ११ वाजता तरंगांसह पालखी प्रदक्षिणा , त्यानंतर वालावलकर दशावतारी नाट्य मंडळाचे नाटक होणार आहे . ९ रोजी सकाळी ७ वाजता दहीकाला व १० रोजी दुपारी १ वाजता समाराधना (महाप्रसाद )चे आयोजन करण्यात आले आहे . तरी या जत्रोत्सव कार्यक्रमाचा लाभ भाविकांनी घ्यावा असे आवाहन ओरोस ग्रामस्थ व श्री देव रवळनाथ देवस्थान स्थानिक सल्लागार उपसमितीने केले आहे .