शूटिंगसाठी श्रद्धा स्पेनमध्ये पोहोचणार

रणवीर कपूरसोबतचा चित्रपट

लव रंजन यांच्या चित्रपटाची प्रेक्षक आतुरतेने प्रतीक्षा करत असतात.  रणवीर कपूर आणि श्रद्धा कपूर हे लव रंजन यांच्या आगामी चित्रपटात एकत्र काम करत आहेत. चित्रपटाच्या काही हिस्स्याचे चित्रिकरण पूर्ण झाले आहे. मुंबईतील चित्रिकरण संपविल्यावर श्रद्धा आणि रणवीर आता स्पेनमधील चित्रिकरणात सामील होणार आहेत.

रणवीर, श्रद्धा आणि वैभव चौधरी हे एकत्रित स्पेनसाठी रवाना होतील. स्पेनमध्ये चित्रपटातील एका गाण्याचे चित्रिकरण होणार आहे. तसेच काही दृश्यांचेही चित्रिकरण केले जाणार आहे. रणवीर आणि  श्रद्धा यांना अलिकडेच मुंबईतील चित्रकूट ग्राउंडमध्ये चित्रिकरण करताना पाहिले गेले होते. या चित्रपटाच्या सेटवर बोनी कपूर आणि डिंपल कपाडिया हे देखील दिसून आले होते. चित्रपटाच्या चित्रिकरणात कोरोना महामारीमुळे अनेक अडथळे निर्माण झाले होते. परंतु आता कोरोना संकट बऱयापैकी निवळल्याने चित्रपट निर्मितीला वेग आला आहे.

लव रंजन यांच्या या चित्रपटाचे अद्याप नाव निश्चित झालेले नाही. बोनी कपूर या चित्रपटाद्वारे अभिनयाच्या क्षेत्रात पदार्पण करणार आहेत. यापूर्वी अनिल कपूरचा चित्रपट ‘एके व्हर्सेस एके’मध्ये अनुराग कश्यपसोबत ते दिसून आले होते.