नुसरतच्या ‘अकेली’चे शूटिंग पूर्ण

अभिनेत्री नुसरत भरूचाने दमदार अभिनयाच्या बळावर स्वतःचा असा एक चाहतावर्ग निर्माण केला आहे. नुसरत सध्या स्वतःचा आगामी ऍक्शन ड्रामा चित्रपट ‘अकेली’वरून चर्चेत आहे. या चित्रपटाचे चित्रिकरण नुसरतने संपविले आहे. इन्स्टाग्रामवर स्टोरी शेअर करत तिने यासंबंधी माहिती दिली आहे.

एक छायाचित्र शेअर करत तिने ‘इट्स ए रॅप’ अशी कॅप्शन दिली ओ. शेअर करण्यात आलेल्या छायाचित्रात अभिनेत्री केकमागे उभी दिसून येत आहे. चित्रपटाचे चित्रिकरण इराकमध्ये पार पडले आहे. वाळवंटात अडकून पडलेल्या व्यक्तीवर या चित्रपटाची कहाणी बेतलेली आहे.

या चित्रपटाचे दिग्दर्शन प्रणय मेश्राम यांनी केले आहे. प्रणय यांनी यापूवीं अनेक चित्रपटांकरता सहाय्यक दिग्दर्शक म्हणून काम केले होते. या चित्रपटाद्वारे प्रणय हे दिग्दर्शकीय पदार्पण करणार आहेत. तर चित्रपटाच्या प्रदर्शनाच्या तारखेबद्दल अद्याप अधिकृत घोषणा करण्यात आलेली नाही.

नुसरत अलिकडेच अक्षय कुमारसोबत ‘सेल्फी’ या चित्रपटात दिसून आली होती. या चित्रपटात इम्रान हाशमी आणि डायना पेंटी यांनीही मुख्य भूमिका साकारली होती. परंतु हा चित्रपट बॉक्स ऑफिसवर यशस्वी ठरला नव्हता.