शिरोळची कन्या पै. अमृता पुजारी हिला आशियाई चॅम्पियन्स स्पर्धेचे नेतृत्वाची संधी प्राप्त

शिरोळ प्रतिनिधी

शिरोळची कन्या महिला महाराष्ट्र केसरी किताब मिळवणारी पैलवान अमृता शशिकांत पुजारी हिची आंतरराष्ट्रीय  कुस्ती स्पर्धेत 72 किलो वजनी गटात 23 वर्षाखालील आशिया चॅम्पियनशिप स्पर्धेत भारताचे नेतृत्व करणार आहे .प्रथमच शिरोळ गावाला नेतृत्व करण्याची संधी अमृता पुजारीच्या रूपाने मिळाल्याने शहरात फटाक्याची आतषबाजी करून आनंद उत्सव साजरा केला .

पै. अमृता पुजारी ही लहानपणापासूनच कुस्तीची आवड असल्याने अनेक छोट्या मोठ्या  कुस्त्या खेळल्या आहेत अनेक पारितोषिकही मिळवले आहेत.  नुकताच तिला महिला महाराष्ट्र केसरी किताब मिळाला आहे.

घरची परिस्थिती  बेताची असतानाही तिचे वडील शशिकांत पुजारी यांनी तिला प्रोत्साहन दिले. आशियाई चॅम्पियन स्पर्धेत  नेतृत्व करण्याची संधी मिळाल्याने तिचे सर्वत्र अभिनंदन होत आहे. पैलवान अमृता पुजारी ही सध्या मुरगुड येथील कै सदाशिवराव मंडलिक आखाडा येथे सराव करीत आहे.