‘शी हल्क’चा ट्रेलर प्रदर्शित

तातियाना मासलेली अन् मार्क रुफ्फालो यांची सीरिज

हॉलिवूडच्या प्रसिद्ध मार्व्हल स्टुडिओजने स्वतःची आगामी वेबसीरिज ‘शी हल्क : ऍटर्नी ऍट लॉ’चा ट्रेलर प्रदर्शित केला आहे. ही कॉमेडी वेबसीरिज ओटीटी प्लॅटफॉर्म डिस्ने हॉटस्टारवर 17 ऑगस्ट रोजी स्ट्रीम करण्यात येणार आहे. या सीरिजमध्ये 9 एपिसोड्स आहेत. तातियाना मासलेनीने सीरिजमध्ये जेनिफर वॉल्टसं म्हणजेच शी हल्क ही मुख्य भूमिका साकारली आहे. ट्रेलरमध्ये तातियाना लेडी हल्कमध्ये रुपांतरित होताना दिसून येते.

वेबसीरिजचा हा ट्रेलर सोशल मीडियावर वेगाने व्हायरल होतोय. चाहत्यांना हा ट्रेलर अत्यंत पसंत पडत आहे. या सीरिजमध्ये तातियाना मासलेनीसह मार्क रुफ्फालो हा ब्रूस बॅनर म्हणजेच स्मार्ट हल्कच्या भूमिकेत पुन्हा एकदा दिसून येणार आहे.

सीरिजमध्ये तातियाना आणि मार्कसोबत टिम रोथ, बेनेडिक्ट वोंग, जिंजर गोंजाना, जोश सेगरा, जमीला जमील, जॉन बेस, डेव्हिड ओटुंगा आणि रेनी एलिस गोल्ड्सबेरी देखील महत्त्वाच्या भूमिकांमध्ये आहेत. कॅट कोइरो आणि अनु वालिया यांनी या वेबसीरिजचे दिग्दर्शन केले आहे. या सीरिजची कहाणी जेसिका गाओ यांनी लिहिली आहे. स्टेन ली आणि जॉन बुसेमा यांनी ‘शी हल्क’ हे पात्र तयार केले आहे. ही सीरिज हिंदी, तमिळ, तेलगू, मल्याळी आणि इंग्रजीत स्ट्रीम केली जाणार आहे. वेंडी जॅकबसन आणि जेनिफर बूथ यांनी या सीरिजची निर्मिती केली आहे.