शायना मणीमुथूला कांस्यपदक

वृत्तसंस्था/ नवी दिल्ली

भारताची महिला बॅडमिंटनपटू शायना मणीमुथूने प्रतिष्ठेच्या डच कनिष्ठांच्या आंतरराष्ट्रीय बॅडमिंटन स्पर्धेत कांस्यपदक मिळविले. या स्पर्धेत शायनाला महिला एकेरीच्या उपांत्य फेरीच्या सामन्यात चीनच्या यीनकडून हार पत्करावी लागली.

आशिया बॅडमिंटन चॅम्पियनशिप स्पर्धेत 15 वर्षांखालील मुलींच्या गटात विजेतेपद मिळविणाऱ्या शायना मणीमुथूने डच बॅडमिंटन स्पर्धेत उपांत्य फेरीपर्यंत मजल मारली होती. मात्र उपांत्य फेरीच्या सामन्यात चीनच्या यीनने शायनाचा 21-17, 21-8 अशा सरळ गेम्समध्ये 35 मिनिटांत पराभव करत उपांत्य फेरी गाठली. या स्पर्धेत शायनाने उपांत्य फेरीपर्यंत मजल मारताना तृतिय आणि 13 व्या मानांकीत बॅडमिंटनपटूंना पराभूत केले.