शशांक पाटीलचा सुवर्णवेध

बेळगाव : राजस्थान येथील जयपूर येथे घेण्यात आलेल्या खेलो इंडिया विद्यापीठ क्रिडा स्पर्धेत बेळगावचा अव्वल भालाफेकपटू व युवजन क्रीडा खात्याचा शशांक पाटीलने सुवर्णवेध फेक करून सुवर्णपदकाचा मानकरी ठरला आहे. जयपूर येथे झालेल्या या स्पर्धेत झालेल्या या स्पर्धेत सध्या थंडीचे वातावरण असल्यामुळे अनेक खेळाडूंना त्याचा त्रास सोसावा लागला. पण बेळगावच्या शशांक पाटीलने थंडीला न डगमगता पहिलीच फेक 71.88 करून सुवर्णपदक पटकाविले. या स्पर्धेत अनेक दिग्गज राष्ट्रीय भालाफेकपटूंचा सहभाग होता. पण त्यांना अपयश आले. शशांकला युवजन क्रीडा खात्याचे अॅथलेटिक्स प्रशिक्षक संजुकुमार नाईक, ए. बी. शिंत्रे, बसवराज भुसण्णवर व मधुकर देसाई यांचे मार्गदर्शन तर युवजन क्रीडा अधिकारी बी. श्रीनिवास यांचे प्रोत्साहन लाभत आहे.