जॉन अब्राहमसोबत झळकणार शर्वरी

‘वेदा’ चित्रपटात मुख्य भूमिका

जॉन अब्राहम आता एका चित्रपटात नायकाच्या भूमिकेत दिसून येणार आहे. जॉन आता निखिल अडवाणीच्या आगामी चित्रपटात जोरदार अॅक्शन करताना दिसून येणार आहे. त्याच्या ‘वेदा’ या चित्रपटाची घोषणा करण्यात आली आहे. जॉन अब्राहम या चित्रपटात शर्वरी वाघसोबत काम करणार आहे.

वेदा या चित्रपटाची घोषणा  एका आकर्षक पोस्टरसोबत करण्यात आली आहे. निर्माता निखिल अडवाणीने हे पोस्टर शेअर केले आहे. या पोस्टरमध्ये जॉन आणि शर्वरीचा फर्स्ट लुक सादर करण्यात आला आहे. ‘वेदा, याकरता प्रतीक्षा करा,  तिला एका रक्षकाची गरज आहे. तिला एक अस्त्र मिळाले आहे’ असे अडवाणीने पोस्टरच्या कॅप्शनदाखल नमूद पेले आहे. हा चित्रपट चालू वर्षी 12 जुलै रोजी प्रदर्शित होणार आहे.

या चित्रपटात जॉन, शर्वरीसोबत अभिषेक बॅनर्जी आणि तमन्ना भाटिया देखील दिसून येणार आहे. चित्रपटाचे दिग्दर्शन निखिल अडवाणीने केले आहे. तर असीम अरोडा यांची कहाणी असणार आहे. जॉनने या चित्रपटात मुख्य भूमिका साकारण्यासोबत निर्मितीची जबाबदारी पेलली आहे.