शरद पवार तुम्ही दहा वर्ष मनमोहन- सोनियांच्या सरकारमध्ये होता महाराष्ट्रासाठी तुम्ही काय केलं? अमित शहा मविआवर बरसले

कोल्हापूर : 

जम्मू काश्मीरमधील 370 कलम हटवताना पश्चिम बंगालच्या मुख्यमंत्री ममता बॅनर्जी, शरद पवार सुप्रिया सुळे यांनी कावकाव केलं, मात्र पंतप्रधान नरेंद्र मोदी यांच्या नेतृत्वात आम्ही 370 कलम हटवून दाखवलं, आता तुमच्या चार पिढ्या आल्या तरीही हटवू शकत नाही.
इचलकरंजी येथे महायुती भाजपचे उमेदवार राहुल आवाडे यांच्या प्रचारार्थ आयोजित जाहीर सभेत ते बोलत होते.

ते पुढे म्हणाले की, मोदी हे डेव्हलपमेंट करणारे पंतप्रधान आहेत. तर दुसऱ्या बाजूला राहुल गांधी आणि शरद पवार हे डिव्हायडेशन करणारे नेते आहेत. यांचा विकास फक्त घराणेशाहीचा आहे. जोपर्यंत एनडीएचे खासदार आहेत, तोपर्यंत तुम्ही आरक्षणाला हात लावू शकत नाही. राहुल गांधी यांनी खोटे संविधान दाखवून डॉ. बाबासाहेब आंबेडकर यांचा अपमान करत आहे. भाषण करताना ते संविधान दाखवत आहेत, ते खोटे संविधान आहे. हे लोक देशाला न सुरक्षित करू शकतात किंवा न समृद्ध करू शकतात, अशी टीका शहा यांनी केली