‘सब फर्स्ट क्लास’मध्ये शहनाज

वरुण शर्मासोबत झळकणार

बिग बॉस सीझन 23 मुळे प्रसिद्ध झालेली शहनाज गिल सध्या चित्रपटांमध्ये स्वत:चे नशीब आजमावत आहे. सलमान खानच्या ‘किसी का भाई किसी का जान’ या चित्रपटाद्वारे बॉलिवूडमध्ये पदार्पण केल्यावर शहनाज ही भूमी पेडणेकरसोबत ‘थँक यू फॉर कमिंग’ चित्रपटात दिसून आली होती. आता तिच्या आणखी एका चित्रपटाची घोषणा झाली आहे.

शहनाज यावेळी वरुण शर्मासोबत मोठ्या पडद्यावर झळकणार आहे. शहनाज पहिल्यांदाच ‘फुकरे’ फेम अभिनेता वरुण शर्मासाब्sात दिसून येणार आहे. तिच्या या चित्रपटाचे नाव ‘सब फर्स्ट क्लास’ आहे. अभिनेत्रीने स्वत:च्या चित्रपटाची घोषणा करत दोन छायाचित्रे शेअर केली आहेत. या चित्रपटाचे चित्रिकरण सुरू झाले आहे.

शहनाज आणि वरुण शर्मा यांच्या या चित्रपटाचे दिग्दर्शन बलविंदर सिंह जंजुआ करत आहेत. यापूर्वी त्यांनी ‘अनफेयर अँड लवली’ आणि ‘फिरंगी’ या चित्रपटांचे दिग्दर्शन केले होते. तर चित्रपटाची निर्मिती मुराद खेतानी, ज्योति देशपांडे आणि बलविंदर सिंह करणार आहेत. या चित्रपटात इम्रान हाशमी देखील महत्त्वाच्या भूमिकेत दिसून येणार असल्याची चर्चा आहे.