चौथ्या सत्रात सेन्सेक्स 75 हजार पार
निफ्टीमध्येही तेजी : टेक महिंद्राची मजबूत कामगिरी
वृत्तसंस्था /मुंबई
लोकसभा निवडणुकीचे निकालाच्या दरम्यान भारतीय शेअर बाजारात झालेल्या पडझडीमधून बाजार आता काहीसा सावरत असल्याचे दिसून येत आहे. यामध्ये गुरुवारच्या चौथ्या सत्रात सेन्सेक्सने आपला 75 हजाराचा टप्पा पार केला आहे. यात सलग दुसऱ्या सत्रात बजाराने सकारात्मक कल प्राप्त केला होता. दरम्यान आता गुंतवणूकदारांना काहीसा दिलासा मिळत असून याचा लाभ येत्या काळात होणार असल्याचेही अभ्यासकांनी म्हटले आहे. मुख्य कंपन्यांच्या मदतीने बीएसई सेन्सेक्स दिवसअखेर 692.27 अंकांनी वधारुन निर्देशांक 75,074.51 वर बंद झाला आहे. दुसऱ्या बाजूला राष्ट्रीय शेअर बाजाराचा निफ्टी हा 201.05 अंकांच्या मदतीने तेजी प्राप्त करत 22,821.40 वर बंद झाला आहे. सेन्सेक्समधील कंपन्यांमध्ये गुरुवारी टेक महिंद्राचे समभाग हे जवळपास 4.07 टक्क्यांनी तेजीत राहिले आहेत. यासोबतच एचसीएल टेक , स्टेट बँक, इन्फोसिस, एनटीपीसी, टीसीएस, लार्सन अॅण्ड टुब्रो, विप्रो, भारती एअरटेल, टाटा स्टीलसह 23 कंपन्यांचे समभाग हे फायद्यात राहिले आहेत. अन्य कंपन्यांमध्ये हिंदुस्थान युनिलिव्हर, एशियन पेन्ट्स, महिंद्रा अॅण्ड महिंद्रा, नेस्ले इंडिया, अॅक्सिस बँकेसह 7 कंपन्यांचे समभाग घसरणीत राहिले.
यामुळे बाजार चमकला
लोकसभा निवडणुकीतून बाजार सावरला असून पुन्हा एकदा एनडीए सरकार स्थापन होणार असल्याने गुंतवणुकदारांमधील चिंता काहीशी कमी झाली आहे. यामुळे बाजारात लिलाव दिसून आला आहे. बाजाराचे निवडणूक निकालाकडे आता दुर्लक्ष झाले असल्याने बाजार नव्याने भरारी घेत आहे.
नव्या सरकारकडे नजर
आता आगामी आठवड्यातील घडमोडींकडे गुंतवणूकदारांच्या नजरा लागून राहणार आहेत. कारण येत्या 8 जून रोजी केंद्रात नवीन सरकार स्थापन होणार आहे. यामुळे नवीन ध्येय धोरण व सादर होणार पूर्ण अर्थसंकल्प त्यामधील तरतूदी या बाबींवर येणाऱ्या काळात बाजारांची दिशा स्पष्ट होणार असल्याचे शेअर बाजार अभ्यासकांनी म्हटले आहे.
समभाग वधारलेल्या कंपन्या
- टेक महिंद्रा 1318
- एचसीएल टेक 1397
- स्टेट बँक 816
- इन्फोसिस 1472
- एनटीपीसी 350
- टीसीएस 3830
- लार्सन अॅण्ड टुब्रो 3485
- विप्रो 461
- भारती एअरटेल 1371
- टाटा स्टील 172
- मारुती सुझुकी 12689
- जेएसडब्लू स्टील 889
- आयटीसी 435
- बजाज फायनान्स 6923
- पॉवरग्रिड कॉर्प 302
- कोटक महिंद्रा 1735
- टाटा मोर्ट्स 938
- रिलायन्स इंडस्ट्रीज 2863
- बजाज फिनसर्व्ह 1527
- एचडीएफसी बँक 1559
- अल्ट्राटेक सिमेंट 10082
- टायटन 3323
- आयसीआयसीआय 1110
- सिमेन्स 6796
- आयशर मोर्ट्स 4724
- कोल इंडिया 472
- अंबुजा सिमेंट 609
- मॅक्स हेल्थकेअर 828
- पेज इंडस्ट्रीज 38850
- अशोक लेलँड 225
समभाग घसरलेल्या कंपन्या
- हिंदुस्थान युनि 2549
- एशियन पेन्ट्स 2904
- महिंद्रा अॅण्ड महिंद्रा 2699
- नेस्ले 2475
- इंडसइंड बँक 1481
- अॅक्सिस बँक 1171
- सनफार्मा 1472
- हिंडाल्को 677
- हिरोमोटो 5535
- ल्यूपिन 1606
- सिप्ला 1477