विभागीय स्पर्धेसाठी काकतीच्या दोन क्रिकेटपटूंची निवड

बेळगाव : सार्वजनिक शिक्षण खात्यातर्फे घेण्यात आलेल्या जिल्हास्तरीय क्रिकेट स्पर्धेत काकतीच्या दोन खेळाडूंची विभागीय स्पर्धेसाठी बेळगाव जिल्हा संघात निवड झाली आहे. व्हॅक्सिन डेपो मैदानावर घेण्यात आलेल्या या स्पर्धेत प्राथमिक गटात संजय लोहार-सरकारी कन्नड स्कूल-काकती तर माध्यमिक गटात सुमित रुद्रापूर-व्ही.आर.के.सी.-काकती यांची विभागीय स्पर्धेसाठी बेळगाव जिल्हा संघात निवड झाली आहे. या दोन्ही अष्टपैलु खेळाडूंना प्रशिक्षक सुनिल देसाई, महेश अक्की यांचे मार्गदर्शन लाभत आहे. मुख्याध्यापक यांचे प्रोत्साहन लाभत आहे. नागराज भगवंतण्णावर व विवेक पाटील यांच्या मार्गदर्शनाखाली विभागीय स्पर्धेत जिल्हासंघ सहभागी होणार आहे.