पं. नेहरू स्कूलच्या तीन मल्लांची निवड

बेळगाव : सार्वजनिक शिक्षण खात्यामार्फत आयोजित राज्यस्तरीय कुस्ती स्पर्धेत विश्वभारत सेवा समिती संचलित पंडित नेहरू हायस्कूलच्या मल्लांनी तीन सुवर्णपदक व एक कांस्यपदक मिळवले. 14 वर्षाखालील गटात राजू दोडमनीने 48 किलो वजन गटात सुवर्ण, 17 वर्षाखालील वयोगटात विनय मुत्नाळने 71 किलो वजन गटात ग्रिको रोमन प्रकारात सुवर्ण, सुरेश लंगोटी याने 92 किलो वजन गटात सुवर्ण, कैलास आर. टी. याने 65 किलो वजन गटात कांस्य पदक मिळविले. या मल्लांना विजय नंदिहळळी, मुख्याध्यापक माऊती मुगळी, क्रीडाशिक्षक निरंजन कर्लेकर व शिक्षक वर्गाचे मार्गदर्शन लाभत आहे. आता या मल्लांची दिल्ली येथे होणाऱ्या राष्ट्रीय कुस्ती स्पर्धेसाठी निवड झाली आहे.