राज्यस्तरीय शूटिंगबॉल स्पर्धेसाठी त्रिंबक हायस्कूलच्या विद्यार्थ्यांची निवड

आचरा | प्रतिनिधी

ऑक्टोबर महिन्यात जनता विद्यामंदिर त्रिंबक प्रशालेच्या मैदानावर झालेल्या कोल्हापूर विभागीय शालेय शूटिंग बॉल स्पर्धेत जनता विद्या मंदिर त्रिंबक प्रशालेच्या 17 वर्षाखालील मुलांच्या गटाने द्वितीय क्रमांक पटकावलेला होता. या संघातील दोन विद्यार्थ्यांची राज्यस्तरीय शूटिंग बॉल स्पर्धेसाठी निवड झाली आहे. याबाबतचे पत्र जिल्हा क्रीडा अधिकारी यांनी पाठविले आहे. यामध्ये कु. कौस्तुभ सिताराम सकपाळ आणि हर्षद रामचंद्र मेस्त्री तसेच 17 वर्षाखालील मुलींच्या गटामध्ये कु. शर्वरी प्रशांत परब अशा तीन विद्यार्थ्यांची निवड झाली आहे.

राज्यस्तरीय शूटिंग बॉल स्पर्धेत निवड झाल्याबद्दल संस्था अध्यक्ष अण्णा सकपाळ, संस्था सचिव अरविंद घाडी ,सर्व संचालक मंडळ ,मुख्याध्यापक प्रवीण घाडीगावकर, सर्व शिक्षक ग्रामस्थ, पालक या सर्वांनी निवड झालेल्या विद्यार्थ्यांचे अभिनंदन केले.या सर्व खेळाडूंना क्रीडाशिक्षक महेंद्र वारंग संस्था अध्यक्ष श्री अण्णा सकपाळ यांचे मार्गदर्शन लाभले.