श्रेयस पाटीलची राज्यस्तरीय कुस्ती स्पर्धेसाठी निवड

सांबरा : शिक्षण खात्यातर्फे  जिल्हास्तरीय कुस्ती स्पर्धेमध्ये कंग्राळी खुर्द येथील मार्कंडेय हायस्कूलचा विद्यार्थी श्रेयस मनोहर  पाटीलने प्रथम क्रमांक पटकावत राज्यस्तरीय स्पर्धेसाठी प्रवेश मिळविला आहे. कोल्हापूर येथ झालेल्या स्पर्धेत श्रेयश मनोहर पाटील याने 51 किलो वजनी गटात  मॅटवरील फ्री स्टाईल कुस्ती स्पर्धेत जिल्हा पातळीवर प्रथम क्रमांक पटकाविला आहे. त्याची राज्यस्तरीय स्पर्धेसाठी निवड झाली असून 29 सप्टेंबरला तो बेंगलोरला रवाना होणार आहे. त्याचा शाळेमध्ये भव्य सत्कार करण्यात आला. बी. डी. मोहनगेकर, बी. एन. पुजारी, मुख्याध्यापिका एन. जे. चौगुले व शिक्षक वर्गाकडून त्याचा शाल, श्रीफळ व रोख बक्षीस देऊन सत्कार करण्यात आला. श्रेयशला प्रशिक्षक भाऊराव पाटील, काशीराम पाटील व शाळेचे क्रीडा शिक्षक बी.बी. धामणेकर यांचे मार्गदर्शन लाभत आहे.