कान्सुली हायस्कूल कबड्डी संघाची निवड

खानापूर : नुकताच पार पडलेल्या तालुकास्तरीय क्रीडास्पर्धेत मराठा मंडळ कान्सुली हायस्कूल व प्रायमरी कान्सुली शाळेच्या मुलांच्या कबड्डी संघाने अजिंक्यपद पटकाविले. या कबड्डी संघाची जिल्हास्तरीय स्पर्धेसाठी निवड झाली आहे. तसेच वैयक्तिक स्पर्धेमध्ये रोहीत तोराळकर या विद्यार्थ्यांने 100 मीटर धावणे स्पर्धेत द्वितीय क्रमांक, गायत्री गुरव हिने प्राथमिक विभागामध्ये 200 मी. धावणेमध्ये द्वितीय क्रमांक पटकाविला. मुलांच्या कबड्डी संघाला व विद्यार्थ्यांना संस्थेच्या अध्यक्षा राजश्री नागराजू, परशराम गुरव, शिवाजी पाटील, मुख्याध्यापक एम. ए. कालमणकर, सहशिक्षक व्ही. एस. चौगुले, क्रीडा शिक्षक व्ही. एन. होसूरकर यांचे मार्गदर्शन लाभले.