चांगळेश्वरीच्या खेळाडूंची निवड

येळ्ळूर : चांगळेश्वरी शिक्षण मंडळ संचलित श्री चांगळेश्वरी हायस्कूलच्या विद्यार्थ्यांनी तालुका क्रीडा स्पर्धेत घवघवीत यश मिळवले असून त्यांची जिल्हास्तरीय स्पर्धेसाठी निवड झाली आहे. सिद्धी कुगजीने 600 मी. प्रथम, धनश्री कुगजी 3000 मी.मध्ये प्रथम, तनिष्का कुंडेकर 100 मी. प्रथम, 4×400 मी. रिलेमध्ये मनश्री कुगजी, रागिणी हट्टीकर, अक्षरा घाडी व स्वाती लोहार संघाला विजेतेपद, लक्ष्मी नायकोजीने 80 मी. अडथळामध्ये प्रथम क्रमांक मिळविला. या खेळाडूंना संस्थेचे अध्यक्ष वाय. एन. मजुकर, सचिव प्रसाद मजुकर, मुख्याध्यापक ए. डी. धामणेकर, क्रीडा शिक्षक एम. एम. डेंबले यांचे मार्गदर्शन लाभले.