बेळगाव पब्लिक स्कूल शिंदोळीच्या खेळाडूंची निवड

बेळगाव : सार्वजनिक शिक्षण खाते व संतमीरा, बालिका आदर्श चिटणीस स्कूल आयोजित बेळगाव जिल्हास्तरीय हँडबॉल स्पर्धेत  बेळगाव पब्लिक स्कूल, शिंदोलीच्या उच्च प्राथमिक विद्यार्थ्यांनी उपविजेतेपद पटकाविले. त्यांच्या पाच खेळाडूंची जिल्हा संघात निवड झाली आहे. या स्पर्धेत बालिका आदर्श विद्यालय बेळगावने जिल्हास्तरीय हँडबॉल स्पर्धेत विजेतेपद पटकाविले. विभागीय स्तरावर बेळगाव पब्लिक स्कूलच्या पाच उच्च प्राथमिक शाळेतील मुलींची निवड झाली आहे. धारवाड येथे होणाऱ्या स्पर्धेसाठी रिफानुरी सिरमुल्ला, समिक्षा खानगावकर, अनुष्का पिंगट, चैतन्य खन्नूकर, श्रुती कुरंगी निवड झाली आहे. या उच्च प्राथमिक शाळेतील मुलींच्या विजेत्यांना अध्यक्ष डॉ. शिवकुमार रेवशेट्टी यांनी सन्मानित केले. यावेळी मुख्याध्यापिका राजश्री रेवशेट्टी, क्रीडा प्रशिक्षक शत्तू पाटील, अऊणकुमार एस. आणि बेळगाव पब्लिक स्कूलचे कर्मचारी उपस्थित होते.