हेरवाडकर स्कूलच्या विद्यार्थ्यांची निवड

बेळगाव : बेळगाव येथील जिल्हा सार्वजनिक शिक्षक खात्याच्यावतीने आयोजित जिल्हास्तरीय क्रिकेट संघामध्ये एम. व्ही. हेरवाडकर स्कूलच्या विद्यार्थ्यांची निवड करण्यात आली आहे. हर्ष नाशीपुडी, अनघा अवरगोल, लक्ष खलायत, अविनाश मालदकर या 4 विद्यार्थ्यांची वेगवेगळ्या वयोगटात निवड करण्यात आली आहे. या सर्व विद्यार्थ्यांना हायस्कूलच्या प्राचार्या शोभा कुलकर्णी यांचे मार्गदर्शन व क्रीडा शिक्षक सोमशेखर हुद्दार, के. ए. हागीदळे यांचे प्रोत्साहन लाभत आहे. या निवडीबद्दल सदर चार विद्यार्थ्यांचे सर्वत्र कौतुक होत आहे.