सीमा पुनियावर 16 महिन्यांची बंदी

वृत्तसंस्था / नवी दिल्ली

भारताची महिला अॅथलिट 42 वर्षीय सीमा पुनिया उत्तेजक चाचणीत दोषी ठरल्याने तिच्यावर 16 महिन्यांची बंदी घालण्यात आली आहे. सदर घोषणा नाडाने शनिवारी येथे केली.

2023 च्या हांगझोयु येथे झालेल्या आशियाई क्रीडा स्पर्धेत सीमा पुनियाने महिलांच्या थाळीफेक प्रकारात कांस्यपदक मिळविले होते. तर तिने चारवेळा राष्ट्रकुल क्रीडा स्पर्धेत आपला सहभाग दर्शवून तीनवेळा रौप्य पदके मिळविली. 2024 च्या पॅरिस ऑलिम्पिकनंतर तिने अॅथलेटिक्स क्षेत्रातून निवृत्तीची इच्छा व्यक्त केली होती. पुनियाने आतापर्यंत 2004, 2012, 2016 आणि 2020 ऑलिम्पिक स्पर्धांमध्ये भारताचे प्रतिनिधीत्व केले होते. उत्तेजक चाचणीत पुनिया दोषी असल्याने तिच्यावर उत्तेजक विरोधी शिस्तपालन कमिटीने 16 महिन्यांची बंदी घालण्याचा निर्णय घेतला.