सावंतवाडी पोलीस ठाण्याचे हवालदार राजा राणे यांच्या दुचाकीला अपघात

रिक्षाची दुचाकीला धडक; हाताच्या दोन बोटांना गंभीर दुखापत

सावंतवाडी -
सावंतवाडी पोलीस ठाण्याचे हवालदार राजा राणे यांच्या दुचाकीला अपघात झाला . या अपघातात त्यांच्या हाताच्या दोन बोटांना गंभीर दुखापत झाली आहे . ते सावंतवाडीहून आपल्या इन्सुली येथील घरी जात असताना दुपारी २ वाजण्याच्या सुमारास सावंतवाडी कारागृह परिसरात हा अपघात घडला.  रिक्षाची धडक त्यांच्या दुचाकीला बसल्यामुळे हा अपघात घडला . त्यांच्यावर सावंतवाडी कुटीर रुग्णालयात उपचार सुरु आहेत . सदर रिक्षा सावंतवाडी पोलिसांनी आपल्या ताब्यात घेतली आहे . अपघाताची घटना कळताच सावंतवाडी पोलीस निरीक्षक ऋषिकेश अधिकारी यांनी रुग्णालयात येऊन राणे यांची विचारपूस केली .