धोंडेवाडी येथे लोकनियुक्त सरपंच म्हणून सविता रंगराव नलवडे विजयी
कसबा बीड वार्ताहर
करवीर तालुक्यातील धोंडेवाडी या गावची ग्रामपंचायत निवडणूक रविवारी झाली. सोमवार दिनांक 6 नोव्हेंबर रोजी या निवडणुकीचा निकाल सकाळी जाहीर झाला. या निवडणुकीमध्ये लोकनियुक्त सरपंच पदासाठी श्री शिवशंभो ग्रामविकास आघाडीच्या सविता रंगराव नलवडे यांना 290 तर विरुद्ध शिवपार्वती ग्रामविकास आघाडीच्या मीनल संभाजी नलवडे यांना 269 इतके मतदान झाले. यामध्ये सविता रंगराव नलवडे या 21 मतांच्या लीडने विजयी झाल्या.
धोंडेवाडी हे छोटेसे गाव पण या गावांमध्ये राजकारणाच्या बाबतीत अतिशय कट्टर असे मतदान होते. यावर्षीच्या ग्रामपंचायत निवडणुकीमध्ये भिकाजीराव नलवडे यांच्या नेतृत्वाखाली श्री शिवशंभो काँग्रेस प्रणित आघाडीची व सरदार दिनकर नलवडे यांच्या नेतृत्वाखाली काँग्रेस- शिवसेना प्रणित शिव पार्वती ग्रामविकास आघाडी यामध्ये निवडणूक झाली. यामध्ये शिवपार्वती आघाडी 4 उमेदवार तर श्री शिवशंभो आघाडीचे लोकनियुक सरपंच व 3 उमेदवार विजयी झाले आहेत.
धोंडेवाडीतील विजयी उमेदवारांची प्रभाग वार नावे खालील प्रमाणे
प्रभाग क्रमांक 1. छाया राजाराम नलवडे, स्वाती केशव पौंडकर, प्रताप गणपती पौडकर,
प्रभाग क्रमांक 2 . निवास पंडित नलवडे, स्नेहल अभिनंदन नलवडे
प्रभाग क्रमांक 3 . पांडुरंग शंकर नलवडे, शोभा तानाजी नलवडे.