हिंडलग्याच्या सविता पाटीलची मिसेस बेळगाव म्हणून निवड

हिंडलगा दि. 20 ( वार्ताहर) मुळची तुडये ता.चंदगड व सध्या हिंडलगा येथील रहिवासी सविता संदीप पाटील हिला फॅशन शोमध्ये अजिंक्यपद देण्यात आले. जीवन संघर्ष फाउंडेशन व निल क्रिएशन यांच्यावतीने नुकताच मिसेस बेळगाव या स्पर्धा ठेवण्यात आल्या होत्या. या स्पर्धेत सविता पाटील हिची मिसेस बेळगाव बार कर्नाटक म्हणून निवड करून अजिंक्यपद दिले. यामुळे प्रशस्तीपत्र, पुष्पगुच्छ व बक्षीस देऊन गौरविण्यात आले .या फाउंडेशनचे आयोजक डॉ. गणपत पाटील यांनी या स्पर्धेचे आयोजन केले होते. या कार्यक्रमाला डॉ. देवेगौडा, पोतदार ज्वेलर्स चे संचालक मिहीर पोतदार व इतर मान्यवर उपस्थित होते या सर्वांच्या हस्ते सत्कार करण्यात आला. यापूर्वी देखील अशा स्पधून तिला गौरविण्यात आले आहे. या अभिनंदनीय निवडीमुळे सर्वत्र अभिनंदन होत आहे.