''खेळ पैठणीचा '' स्पर्धेत सरीता पुजारे ठरल्या पैठणीच्या मानकरी

सोन्याच्या नथीच्या मानकरी ठरल्या श्रेया संदेश मेस्त्री

सीने अभिनेत्री अक्षता कांबळी यांची प्रमुख उपस्थिती

आचरा प्रतिनिधी

इनामदार श्री देव रामेश्वर संस्थान कसबा आचरे गणेशोत्सवानिमित्त माजी खासदार निलेश राणे पुरस्कृत खेळ पैठणीचा स्पर्धा आयोजित करण्यात आली होती यात पैठणीच्या मानकरी ठरल्या. त्या सौ सरिता योगेश पुजारे तर उपविजेत्या सौ श्रेया संदेश मेस्त्री यांना सोन्याची नथ देवून गौरविण्यात आले. स्पर्धेत एकूण साठ स्पर्धकांनी भाग घेतला होता. स्पर्धेचा शुभारंभ सुप्रसिद्ध टिव्ही स्टार अक्षता कांबळी यांच्या हस्ते केले गेले. यावेळी उपस्थित महिलांना मार्गदर्शन करताना स्त्रीयांवरील वाढत्या अत्याचाराला आळा घालण्यासाठी मुलींना मोबाईल मध्ये न गुंतवतात स्व संरक्षणाचे धडे देवून आत्मनिर्भर बनविण्याचे आवाहन केले.यावेळी त्यांच्या सोबत देवस्थान सचिव व उपसरपंच संतोष मिराशी, देवस्थान समिती सदस्य मंगेश मेस्त्री, जयप्रकाश परुळेकर, परेश सावंत, अर्जुन बापर्डेकर, मंदार सांबारी, महादेव मिराशी, बाबू कदम, सामाजिक कार्यकर्त्यां रश्मी दाभोळकर, दत्ता वराडकर, तेजस्विता केळूस्कर, राजू घाडी, योगेश बागवे यांसह अन्य मान्यवर आदी उपस्थित होते. स्पर्धेचे सुत्रसंचलन नागेश नेमळेकर यांनी केले.