संतोषकडून प्रेमपुंगपोंगचा पराभव

बॅडमिंटन आशिया ज्युनियर चॅम्पियनशिप

वृत्तसंस्था, यात्सुशिरो (जपान)

येथे सुरू झालेल्या बॅडमिंटन आशिया ज्युनियर चॅम्पियनशिपच्या पहिल्या फेरीत, भारताच्या ध्यान संतोषने थायलंडच्या सहाव्या मानांकित पन्नातात प्रेमपुंगपोंगचा पराभव करत भारतीय खेळाडूंच्या दमदार कामगिरीचे नेतृत्व केले.

संतोषने मुलांच्या एकेरीच्या पहिल्या फेरीत उत्कृष्ट खेळ करत प्रेमपुंगपोंगचा 21-17, 21-18 असा पराभव केला. त्यानंतर तन्वी पात्रीने मुलींच्या एकेरीच्या सलामीच्या फेरीत सहज विजय मिळवला. तिने इंडोनेशियाच्या ख्रिस्टाबेल पुरवांतोचा 21-18, 21-6 असा पराभव केला तसेच पाचव्या मानांकित रुपारेलियाने श्रीलंकेच्या पामुडू रंदिलिगामाचा 21-13, 16-21, 21-7 असा पराभव केला. मैदानात उतरलेल्या इतर भारतीयांपैकी, आदर्शनी श्रीने मलेशियाच्या ली के झिनचा 21-22, 21-12 असा पराभव केला. मात्र अभिनव गर्गला मलेशियाच्या लुकास लीकडून 13-21, 22-24 असा पराभव स्वीकारावा लागला.