बायपास रस्त्यावर फ्लॅट फोडून दीड लाखांचा ऐवज लंपास

सांगली प्रतिनिधी

येथील बायपास रस्त्यावरील अपार्टमेंटमधील बंद फ्लॅट फोडून चोरट्याने एक लाख ऊपये रोख व सोन्याचे दा†गने असा दीड लाखाचा ऐवज लंपास केला. ही घटना गुरूवारी रात्रीच्या सुमारास घडली. याबाबत सुनंदा बाबासाहेब पाटील (रा. साई अपार्टमेंट, सांगली) यांनी शहर पोलिसांत फिर्याद दिली.

सुनंदा पाटील या बायपास रस्त्यावरील साई अपार्टमेंटमध्ये राहतात. गुऊवारी त्या कर्नाटकात देवदर्शनासाठी गेल्या होत्या. फ्लॅट बंद असल्याचे पाहून चोरट्याने रात्रीच्या सुमारात कडीकोयंडा तोडून घरात प्रवेश केला. घरातील कपाटातील एक लाख ऊपये रोख व कानातील फुले, चांदी असा दीड ते पावणे दोन लाखाचा ऐवज लंपास केला. चोरट्याने शेजारच्या फ्लॅटला बाहेरून कडी लावली होती. तसेच घरातील देव्हाऱ्यातील देवाचे सोन्या-चांदीच्या दागिन्याला मात्र हात लावला नाही. पोलिस निरीक्षक संजय मोरे यांनी घटनास्थळी भेट दिली. माहितीतील व्यक्तीने चोरी केली असावी, असा पालिसांचा संशय आहे. सायंकाळी पाटील यांनी शहर पाोलसांत फिर्याद दिली.