सम्मान कॅपिटलचा समभाग 12 टक्के वधारला

मुंबई :

सम्मान कॅपिटल (पूर्वीचे नाव इंडियाबुल्स हाऊसिंग फायनान्स) च्या समभागांनी शेअरबाजारात बुधवारी मोठी तेजी घेतलेली दिसून आली. रिझर्व्ह बँकेने एका कंपनीला सम्मानमध्ये गुंतवणूकीला हिरवा कंदील दाखवल्याने समभाग तेजीवर स्वार होता. इंट्रा डे दरम्यान कंपनीचा समभाग 12 टक्के वाढत 155 रुपयांवर पोहचला होता. नंतर हा समभाग 147 च्या स्तरावर घसरला होता. याचदरम्यान निफ्टी-सेन्सेक्स मात्र 2 टक्के इतके वाढले होते. अबुधाबीतील इंटरनॅशनल होल्डींग कंपनीची सहाय्यक कंपनी एव्हेनीयर इन्वेस्टमेंट आरएससी यांना 66 टक्के हिस्सेदारी अधिग्रहणाला आरबीआयने मंजुरी दिली आहे.