पोलीस अधिकाऱ्याची भूमिका साकारणार सैफ

क्लिक शंकर’ चित्रपटात झळकणार

अभिनेता सैफ अली खानसाठी नवे वर्ष विशेष ठरणार आहे. या वर्षाच्या प्रारंभी सैफने सिद्धार्थ आनंदच्या बॅनर अंतर्गत निर्माण होणाऱ्या चित्रपटाचे चित्रिकरण पूर्ण केले आहे. तर चालू वर्षात त्याचे ‘देवरा 1’ आणि ‘कर्तव्य’ असे दोन चित्रपट प्रदर्शित होणार आहेत. देवरा चित्रपटात त्याच्यासोबत ज्युनियर एनटीआर मुख्य भूमिकेत असणार आहे. तर कर्तव्य हा चित्रपट शाहरुख खानच्या कंपनीकडून निर्माण केला जात आहे.

सैफने याचबरोबर तमिळ चित्रपट ‘क्लिक शंकर’साठी होकार दर्शविणार आहे. तमिळ चित्रपट निर्माते बालाजी मोहन हे या चित्रपटासोबत हिंदी चित्रपटसृष्टीत पदार्पण करणार आहेत. क्लिक शंकरची योजना प्रेंचाइजीच्या स्वरुपात मांडण्यात आली आहे.

चित्रपटात सैफ हा शंकर रेबेरो ही भूमिका साकारणार असून ही एका हुशार पोलीस अधिकाऱ्याची व्यक्तिरेखा असणार आहे. रेबेरोची स्मरणशक्ती जबरदस्त असल्याचे आणि त्याच्यासाठी हे वरदान आणि अभिशाप दोन्ही ठरल्याचे दाखविण्यात येणार आहे. या चित्रपटाचे चित्रिकरण मे महिन्यापासून सुरू होणार असल्याचे समजते.