‘अग्नि’ चित्रपटात सई ताम्हणकर

प्रतीक, दिव्येंदुसोबत साकारणार मुख्य भूमिका

प्राइम व्हिडिओने स्वत:चा आगामी हिंदी चित्रपट ‘अग्नि’च्या प्रदर्शनाची तारीख जाहीर केली आहे. एक्सेल एंटरटेनमेंट प्रॉडक्शनचा हा चित्रपट राहुल ढोलकिया यांनी दिग्दर्शित केला असून त्यांनीच कहाणी लिहिली आहे. या चित्रपटात प्रतीक गांधी आणि दिव्येंदु शर्मा हे कलाकार दिसून येणार आहेत. तसेच यात सई ताम्हणकर मुख्य भूमिकेत आहे.

चित्रपटाचा टीझर सादर करण्यात आला असून यात प्रतीक आणि दिव्येंदु दमदार भूमिकेत दिसून आले आहेत.  अग्निशमन जवानांवर आधारित हा चित्रपट आहे. आगीच्या ज्वाळांदरम्यान अग्निशमन दलाचे जवान हे इतरांच्या रक्षणासाठी सर्वस्व पणाला लावत असतात. चित्रपटत सैयामी खेर, सई ताम्हणकर, जितेंद्र जोशी, उदित अरोडा, कबीर शाह हे दमदार कलाकार आहेत. हा चित्रपट 6 डिसेंबर रोजी प्राइम व्हिडिओवर प्रदर्शित होणार आहे. अग्निशमन जवानांचे अतूट साहस दर्शविणारा हा चित्रपट असल्याचे उद्गार निर्माते रितेश सिधवानी आणि फरहान अख्तर यांनी काढले आहेत.