‘कुछ खट्टा हो जाए’मध्ये सई मांजरेकर

बॉलिवूडमध्ये पदार्पण करणार गुरु रंधावा

हाय रेटेड गबरू, लाहौर आणि नाच मेरी रानी यासारख्या असंख्य गाण्यांचा गायक गुरु रंधावा आता नव्या भूमिकेसाठी तयार आहे. तो लवकरच ‘कुछ खट्टा हो जाए’ या चित्रपटाद्वारे बॉलिवूडमध्ये पदार्पण करणार आहे. या चित्रपटात त्याच्यासोबत सई मांजरेकर मुख्य भूमिकेत दिसून येणार आहे.

हा चित्रपट कौटुंबिक मनोरंजन करणारा असून यात अनुपम खेर आणि इला अरुण हे कलाकारही असतील. निर्मात्यांनी या चित्रपटाचे पोस्टर तसेच टीझर शेअर केला आहे. गुरु रंधावा या चित्रपटात अभिनय करणार असल्याने त्याचे चाहते उत्सुक आहेत.  अनुपम खेरसोबत काम करण्याची संधी मिळणे म्हणजे स्वप्न पूर्ण होण्यासारखे असल्याचे उद्गार गुरु रंधावाने काढले आहेत.

गुरु रंधावा आणि सई मांजरेकरच्या या चित्रपटाचे दिग्दर्शन जी. अशोक यांनी केले आहे. तर अमित आणि लवीना भाटिया यांना या चित्रपटाची निर्मिती केली आहे. हा चित्रपट 16 फेब्रुवारी रोजी प्रदर्शित होणार आहे.