‘श्रीदेवी प्रसन्न’मध्ये सई अन् सिद्धार्थ

नव्या वर्षात होणार प्रदर्शित

झिम्मा 2 हा चित्रपट बॉक्स ऑफिसवर यशस्वी ठरला होता, या चित्रपटातील सिद्धार्थ चांदेकरच्या अभिनयाला मोठी पसंती मिळाली आहे. सिद्धार्थने आता स्वत:च्या नव्या चित्रपटाची घोषणा केली आहे. सिद्धार्थचा आगामी चित्रपट ‘ओले ओले’ हा चित्रपट लवकरच प्रदर्शित होणार आहे. परंतु सिद्धार्थ आता आणखी एका चित्रपटात महत्त्वाची भूमिका साकारत आहे.

या नव्या चित्रपटाचे पोस्टर सिद्धार्थने शेअर केले आहे. या चित्रपटाचे नाव ‘श्रीदेवी प्रसन्न’ आहे. चित्रपटाचे नावच आगळेवेगळे असल्याने यात नेमके काय पहायला मिळणार हे जाणून घेण्यासाठी प्रेक्षक उत्सुक आहेत. श्रीदेवी प्रसन्न या चित्रपटात सिद्धार्थसोबत सई ताम्हणकर झळकणार आहे. सई आणि सिद्धार्थ हे यात महत्त्वाची भूमिका साकारणार आहेत.

श्रीदेवी नावाची युवती आणि प्रसन्न नावाच्या युवकाच्या प्रेमकथेवर हा चित्रपट असणार आहे. या चित्रपटाच्या माध्यमातून एक भन्नाट आणि नवीकोरी जोडी प्रेक्षकांना पहायला मिळणार आहे. या चित्रपटाचे लेखन अदिति मोघे यांनी केले असून विशाल विमल मोढवे हे या चित्रपटाचे दिग्दर्शन करणार्रां आहेत. 2 फेब्रुवारी रोजी हा चित्रपट प्रदर्शित होणार आहे.