सॅफ यू-17 फुटबॉल : भारत-नेपाळ लढत आज

वृत्तसंस्था / कोलंबो

गुरुवारी येथील रेसकोर्स आंतरराष्ट्रीय स्टेडियमवर होणाऱ्या सॅफ यू-17 चॅम्पियनशिपच्या उपांत्य फेरीत भारताचा सामना नेपाळशी होईल तेव्हा गट टप्प्यातील भारताच्या अपराजित कामगिरीची परीक्षा होईल.

मालदीव (6-0), भूतान (1-0) आणि कट्टर प्रतिस्पर्धी पाकिस्तान (3-2) यांच्यावर विजय मिळवल्यानतंर भारत आतापर्यंतचा सर्वात प्रभावी संघ दिसत आहे. भारताने 9 गुणांसह गट ब मध्ये अव्वल स्थान मिळविले आहे. पाकिस्तानविरुद्ध विजयाने विशेषत: मुख्य प्रशिक्षक बिबियानो फर्नांडीस यांना आनंद झाला. ज्यांनी त्यांच्या खेळाडूंनी एका महत्त्वाच्या सामन्यात दबाव कसा हाताळला, याचे कौतुक केले. पाकिस्तानला हरवणे आमच्यासाठी एक चांगला निकाल होता आणि इतक्या महत्त्वाच्या सामन्यात संघाने दबाव असा हाताळला याबद्दल मी खूश आहे. फर्नांडीस यांनी एक वेबसाईटला ही माहिती दिली. खेळाडूंनी जिगर आणि शिस्त दाखवली आणि त्या कामगिरीमुळे आम्हाला उपांत्य फेरीत आत्मविश्वास मिळतो.

दुसरीकडे नेपाळने एका सामना (यजमान श्रीलंकेविरुद्ध 2-0) जिंकला आहे आणि दुसरा सामना (बांगलादेशविरुद्ध 0-4) गमावला आहे. ज्यामुळे गट अ मध्ये दुसरे स्थान पटकाविले आहे. फर्नांडीस नेपाळच्या संभाव्य धोक्यापासून सावध राहण्याची सूचना करताना. ते एक कठीण विरोधक आहेत आणि त्यांच्याकडे चांगले वैयक्तिक कौशल्य असलेले अनेक खेळाडू आहेत. मला वाटते की आम्ही खूप चुरशीचा सामना अपेक्षित करु शकतो आणि आमचे लक्ष चांगली तयारी करणे, संघटीत राहणे आणि आमच्या ताकदीनुसार खेळणे यावर आहे, असे फर्नांडीस म्हणाले,

भारतासाठी उपांत्य फेरी ही बाद फेरीची सुरूवात आहे जी पूर्णपणे वेगळी असेल आणि फर्नांडीस यांनी त्यांच्या संघाला दबवाखाली शांत राहण्याची आणि योजनेवर टिकून राहण्याची गरज लक्षात आणून दिली आहे. मुले स्पर्धेच्या या टप्प्याचे महत्त्व समजतात. ते शांत राहण्याबद्दल, एकत्र कठोर परिश्रम करण्याबद्दल आणि मैदानावर सर्वकाही देण्याबद्दल आहे. आम्हाला गती पुढे न्यायचा आहे आणि आमच्या लक्ष्याकडे आणखी एक पाऊल टाकायचे आहे, असेही ते म्हणाले.