जेनिफरसोबत झळकणार सद्गुरू

सद्गुरु जग्गी वासुदेव यांचे जगभरात कोट्यावधी चाहते आहेत. सद्गुरु जग्गी वासुदेव आता हॉलिवूडमध्ये पदार्पण करणार आहेत. ते लवकरच  हॉलिवूड चित्रपटात दिसून येणार आहेत. हॉलिवूडची लोकप्रिय अभिनेत्री जेनिफर लोपेझसोबत ते ‘दिस इज मी नाऊ : अ लव्हस्टोरी’ या चित्रपटात ते दिसून येणार आहेत. या चित्रपटाचा ट्रेलरही प्रदर्शित करण्यात आला. या ट्रेलरमध्ये सद्गुरु जग्गी वासुदेव हे दिसून येत नसले तरीही चित्रपटाच्या कलाकारांच्या यादीत त्यांचे नाव सामील आहे. यामु ळे ते या चित्रपटात सहभागी असल्याचे मानले जात आहे. मी यापूर्वी कधीही इतकी नर्व्हस, उत्सुक नव्हते, हा चित्रपट एक उत्तम आणि स्मरणीय प्रवास ठरला आहे. माझा चित्रपट ‘दिस इज मी नाऊ : अ लव्हस्टोरी’ हा 16 फेब्रुवारी रोजी प्राइम व्हिडिओवर प्रदर्शित होणार असल्याचे जेनिफरने स्वत:च्या पोस्टमध्ये नमूद केले आहे.

हा चित्रपट एक मायथोलॉजिकल स्टोरीटेलिंग आणि पर्सनल हीलिंगवर आधारित आहे. ट्रेलरमध्ये दोन प्रेम करणाऱ्या लोकांची कहाणीची झलक दिसून येते. जेनिफर लोपेझसोबत चित्रपटात सद्गुरु जग्गी वासुदेव असल्याने भारतीय चाहते या चित्रपटासाठी अत्यंत उत्सुक असणार आहेत. या चित्रपटात जेनिफर लोपेझ आणि सद्गुरु जग्गी वासुदेव यांच्यासोबत बेन आफ्लेक, ट्रेवर नोआह, सोफिया वेरगारा, कीकी पाल्मर, नील दी ग्रेस टाइसन आणि पोस्ट मलोनी हे कलाकार दिसून येणार आहेत.