‘डेडपूल 3’मध्ये रॉब डेलाने झळकणार

मुरैना बॅकारिन अन् रयान रेनॉल्ड्स मुख्य भूमिकेत

डेडपूल प्रेंचाइजीच्या चाहत्यांसाठी एक खूषखबर आहे. डेडपूल 2 मध्ये सर्वात मजेशीर भूमिका साकारणारा रॉब डेलाने हा ‘डेलपूल 3’मध्ये पुनरागमन करण्यास पूर्णपणे तयार आहे. रोब डेलानने तिसऱया डेडपूल चित्रपटासाठी करारावर स्वाक्षरी केली आहे. रॉबने डेडपूल या चित्रपटात पीटर ही व्यक्तिरेखा साकारली आहे. चित्रपटातील मुख्य अभिनेता रयान रेनॉल्ड्सने एका ट्विटद्वारे महत्त्वाची घोषणा केली आहे. ‘शुगर बियर!!!’ असे त्याने ट्विटमध्ये नमूद केले आहे. चित्रपटात शुगर बियर हे पीटरचे टोपणनाव आहे. यामुळे डेडपूल 3 मध्ये रॉब दिसून येणार असल्याचे आता जवळपास निश्चित आहे.  डेडपूल 3 चित्रपटात स्टीफन कपिकिक, मुरैना बॅकारिन, रयान रेनॉल्ड्स अणि ह्युग जॅकमन हे महत्त्वाच्या भूमिकेत दिसून येणार आहेत. हा चित्रपट पुढील वर्षी 8 नोव्हेंबर रोजी प्रदर्शित होणार आहे. मार्व्हर बॅनर अंतर्गत निर्माण होणारा या फ्रँचाइजीचा पहिलाच चित्रपट आहे.