आर के स्वामी लिमिटेडचा येणार आयपीओ
वृत्तसंस्था/ नवी दिल्ली
आर के स्वामी लिमिटेड यांचा आयपीओ लवकरच बाजारात खुला होणार असून या आयपीओच्या माध्यमातून कंपनी 423 कोटी रुपयांची उभारणी करणार असल्याची माहिती उपलब्ध झाली आहे.
मार्केटिंग सेवा देणारी आर के स्वामी लिमिटेड यांचा आयपीओ शेअरबाजारामध्ये 4 मार्च रोजी खुला होणार असून 6 मार्चपर्यंत गुंतवणूकदारांना यामध्ये बोली लावता येणार आहे. कंपनीने आयपीओ अंतर्गत समभागाची किंमत 270-288 रुपये प्रति समभाग अशी निश्चित केली आहे. अँकर गुंतवणूकदारांसाठी आयपीओ एक मार्च रोजी बोली लावण्यासाठी खुला झाला आहे.
कधी होणार सूचीबद्ध
समभाग शेअर बाजारामध्ये 12 मार्च रोजी सूचीबद्ध होणार आहे. आयपीओअंतर्गत 173 कोटी रुपयांचे ताजे समभाग जारी केले जाणार आहेत. प्रवर्तक आणि सध्याच्या गुंतवणूकदारांकडून 87 लाख इक्विटी समभाग ऑफर फॉर सेल अंतर्गत सादर केले जाणार आहेत. सदरची आर के स्वामी लिमिटेड ही मीडिया, डेटा अनालिटिक्सकरिता सेवा बजावत असून या क्षेत्रामध्ये 50 वर्षाचा अनुभव आहे.