Ichalkaranji | इचलकरंजीकरांनो पाणी जपून वापरा! मंगळवारी दिवसभर पाणीपुरवठा राहणार बंद

                        इचलकरंजीत पाणीपुरवठा तात्पुरता बंद

इचलकरंजी : विविध दुरूस्तीच्या कारणावरून इचलकरंजी शहराचा पाणीपुरवठा मंगळवार १७ रोजी सकाळी ८ वाजलेपासून सायंकाळी ५ वाजेपर्यंत बंद राहणार आहे.

इचलकरंजी शहर पाणीपुरवठा योजनेअंतर्गत जलशुद्धीकरण केंद्रातील विद्युत उपकरणांची तातडीने दुरुस्ती करावी लागणार आहे. त्यामुळे या कालावधीत शुद्ध जलउपसा केंद्र बंद ठेवावे लागणार आहे.

दुरुस्तीचे काम पूर्ण होताच पाणीपुरवठा पूवर्वत करण्यात येणार आहे. तरी शहरवासियांनी त्यांच्या जवळचा पाणीसाठा जपून वापरावा, असे आवाहन आयुक्त पल्लवी पाटील यांनी केले आहे.