कॅन्टोन्मेंटकडून पथदिपांची दुरुस्ती

बेळगाव : दिवाळीपूर्वी कॅम्प, तसेच किल्ला येथील पथदीप दुरुस्त करण्याची मोहीम कॅन्टोन्मेंट बोर्डने हाती घेतली आहे. मध्यंतरी निधी नसल्यामुळे पथदीप दुरुस्तीचे काम थांबले होते. परंतु, आता दुरुस्तीचे साहित्य उपलब्ध झाल्याने पुन्हा कामाला सुरुवात झाली. शनिवारी पोस्ट ऑफिस रोडवर बंद स्थितीतील पथदिपांची दुरुस्ती करण्यात आली. दिवाळी सण अवघ्या चार ते पाच दिवसांवर आल्याने कॅन्टोन्मेंट बोर्डकडून दुरुस्तीच्या कामांना वेग आला आहे. शहरातील महत्त्वाच्या मार्गांवर बंद स्थितीतील पथदीप दुरुस्त केले जात आहेत. कॅन्टोन्मेंटच्या कर्मचाऱ्यांवर दुरुस्तीची जबाबदारी देण्यात आली आहे.