फोन टॅपिंग प्रकरणी प्रभाकर राव यांना दिलासा

नवी दिल्ली : तेलंगणा फोन टॅपिंग प्रकरणी सर्वोच्च न्यायालयाने मुख्य आरोपी आणि तेलंगणाच्या विशेष गुप्तचर विभागाचे (एसआयबी) माजी प्रमुख टी. प्रभाकर राव यांना अटकेच्या कारवाईपासून दिलासा दिला आहे. खंडपीठाने राव यांना तपास अधिकाऱ्यासमोर हजर राहण्याचा निर्देश दिला आहे. राव यांची जामीन याचिका यापूर्वी उच्च न्यायालयाने फेटाळली होती. यानंतर राव यांनी सर्वोच्च न्यायालयात धाव घेतली होती. राव हे सध्या फरार असून ते अमेरिकेत असल्याचा संशय आहे.