रिलायन्स रिटेल जगातील 7 वी मूल्यवान कंपनी

स्टॅनफोर्ड ग्रॅज्युएट स्कूल ऑफ बिझनेसच्या व्हेंचर कॅपिटल इनिशिएटिव्हच्या संशोधनात माहिती

वृत्तसंस्था, मुंबई

‘रिलायन्स रिटेल’ ही जगातील 7 वी सर्वात मौल्यवान खासगी कंपनी असून, तिचे मूल्यांकन 100 अब्ज डॉलर्सपेक्षा जास्त आहे. रिलायन्स रिटेल व्यतिरिक्त, भारतातील आणखी दोन कंपन्यांचा टॉप 100 च्या यादीत समावेश होणार आहे.

‘स्टॅनफोर्ड ग्रॅज्युएट स्कूल ऑफ बिझनेसच्या व्हेंचर कॅपिटल इनिशिएटिव्ही’च्या संशोधनानुसार, रिलायन्स रिटेल जगातील 100 सर्वात मौल्यवान खासगी आणि व्हेंचर कॅपिटल समर्थित कंपन्यांमध्ये 7 व्या क्रमांकावर आहे. गुंतवणुकीनंतरचे तिचे मूल्यांकन 100 अब्ज डॉलर्सपेक्षा जास्त आहे. हे संशोधन जानेवारी 2026 पर्यंतच्या डेटावर आधारित आहे.रिलायन्स रिटेल व्यतिरिक्त, भारतातील आणखी दोन कंपन्यांचा टॉप 100 च्या यादीत समावेश आहे. एक म्हणजे एनएसई इंडिया, जी 24 अब्ज डॉलर्सच्या मूल्यांकनासह 27 व्या क्रमांकावर आहे आणि टाटा ईव्ही मोबिलिटी, जी 9 अब्ज डॉलर्सच्या मूल्यांकनासह यादीत 93 व्या क्रमांकावर आहे.

रिलायन्स रिटेल पहिल्या सात कंपन्यांमध्ये

रिलायन्स रिटेल ही एकमेव कंपनी  पहिल्या सात कंपन्यांमध्ये आहे. परंतु तिचे मूल्यांकन ओपनएआय (500 अब्ज डॉलर्स), एलॉन मस्कची स्पेसेक्स (400 अब्ज डॉलर्स), अँथ्रोपिक एआय क्षेत्रातील दिग्गज कंपन्यांपेक्षा लक्षणीयरीत्या कमी आहे.

     गुंतवणूकदारांचा पाठिंबा

ही कंपनी, या यादीत समाविष्ट असलेल्या सात ‘हेक्टाकॉर्न्स’पैकी (ज्यांचे मूल्यांकन 100 अब्ज डॉलर्सपेक्षा जास्त आहे) एक आहे. याला कतार इन्व्हेस्टमेंट, अबूधाबी इन्व्हेस्टमेंट अथॉरिटी, केकेआर, सिल्व्हरलेक, जीआयसी, टीपीजी आणि मुबाडाला यांसारख्या इक्विटी गुंतवणूकदारांचा पाठिंबा आहे.