क्रेडिट कार्ड सादर करणाऱ्या कार्ड नेटवर्कला आरबीआयच्या सूचना

आढावा घेतल्यानंतर आरबीआयकडून निर्देश

मुंबई :

भारतीय रिझर्व्ह बँकेने (आरबीआय) कार्ड नेटवर्क जारी करणाऱ्यांसाठी सूचना  केल्या आहेत. क्रेडिट कार्ड सादर करताना ग्राहकांना अधिक पर्याय देण्याच्या उद्देशाने या सूचना जारी करण्यात आल्या आहेत. क्रेडिट कार्ड वापरणाऱ्या ग्राहकांचे हित लक्षात घेऊन आरबीआयने एक समग्र आढावा घेतला त्यानंतर नव्याने सूचना जारी करण्यात आल्या.

क्रेडिट स्कोअरशी संबंधित माहिती महत्त्वाची का आहे

आरबीआयने सांगितले की अधिकृत कार्ड नेटवर्क क्रेडिट कार्ड जारी करण्यासाठी बँका आणि बिगर बँकिंग संस्थांना सहकार्य करतात. पण ते ग्राहकांना जास्त पर्याय देत नाहीत. ग्राहकाच्या कार्डसाठी कोणते नेटवर्क वापरायचे हे कार्ड जारीकर्ता ठरवतो. परंतु जारीकर्ता आणि कार्ड नेटवर्कमधील करारामुळे बँका किंवा बिगर बँक संस्था प्रभावित होतात.

आरबीआयने या प्रकरणाचा आढावा घेतला. ज्यामध्ये हे उघड झाले आहे की कार्ड नेटवर्क आणि कार्ड सादर करणाऱ्यांमध्ये अशी व्यवस्था आहे, ज्यामुळे ग्राहकांना फक्त मर्यादित पर्याय मिळत होते.

पेमेंट अँड सेटलमेंट सिस्टम्स अॅक्ट, 2007 अंतर्गत आरबीआयने दिले निर्देश

? आरबीआयने सूचना जारी केल्या आहेत की कार्ड जारीकर्त्यांनी कार्ड नेटवर्कशी कोणताही करार करू नये जे ग्राहकांना इतर कार्ड नेटवर्कच्या सेवांचा लाभ घेण्यापासून प्रतिबंधित करतात.

? कार्ड जारीकर्ते त्यांच्या पात्र ग्राहकांना क्रेडिट कार्ड जारी करताना कार्ड नेटवर्क निवडण्याचा पर्याय प्रदान करतील. सध्या, कार्डधारकांना पुढील नूतनीकरणाच्या वेळी दुसरे कार्ड नेटवर्क निवडण्याचा पर्याय आहे.

? आरबीआयने म्हटले आहे की कार्ड जारीकर्ते आणि नेटवर्क दोघांनाही विद्यमान करार, सुधारणा किंवा नूतनीकरण तसेच नवीन करारांमध्ये या आवश्यक सूचनांचे पालन करावे लागेल.

? हे देखील स्पष्ट करण्यात आले आहे की आरबीआयच्या या सूचना 10 लाख रुपयांपेक्षा कमी सक्रिय कार्ड असलेल्या क्रेडिट कार्ड जारी करणाऱ्यांना लागू होत नाहीत.