Ratnagiri News: संगमेश्वरचा 'हा' मार्ग मृत्यूचा सापळा? ग्रामस्थांत तीव्र संताप

मार्गावर मोठ्या प्रमाणावर खड्डे पडले असून लाल माती पसरल्याने दुचाकीस्वारांचे हाल बेहाल होत आहेत. गेल्या दोन ते तीन वर्षांपासून पुलाचे काम अर्धवट अवस्थेत आहे. पसरलेल्या लाल मातीमुळे वाहने घसरत असून अनेक चालक थोडक्यात बचावले आहेत. पावसाळा तोंडावर आला असताना रस्ता पूर्णपणे चिखलमय होण्याची भीती व्यक्त होत आहे.

आंदोलन आणि उपोषणाचा इशारा
ग्रामस्थांनी संबंधित ठेकेदार आणि जबाबदार अधिकाऱ्यांवर तातडीने कारवाई करण्याची मागणी केली आहे. जर पावसाळ्यापूर्वी पुलाचे काम पूर्ण झाले नाही, तर तीव्र आंदोलन छेडण्याचा आणि उपोषणाला बसण्याचा इशाराही ग्रामस्थांनी प्रशासनाला दिला आहे.